Колесова Мария ГаврильевнаСаха Өрөспүүбүлүкэтин үөрэҕириитин туйгуна,

Саха Өрөспүүбүлүкэтин орто анал үөрэҕириитин туйгуна,

Арассыыйа Федерациятын орто анал үөрэҕириитин бочуоттаах үлэһитэ

*Улуустааҕы Олоҥхо ыһыаҕын көрсө П.М.Терютина-Ырыа Ымыычаан олоҕун, айар үлэтин туһунан сырдатабыт* 

Биһиги эбэбит Пелагея Михайловна Терютина — Ырыа Ымыычаан аата Чурапчы улууһугар ыллаан-туойан олорон ааспыт норуот талааннаахтарын ортотугар боччумнаах миэстэни ылар. Дьон-норуот «олоҥхоһут» диэн ааты мээнэҕэ биэрбэт. Киһи уус-уран тылынан, кэрэ-чуор куолаһынан, дьиҥ-чахчы талба талаанынан сүрэхтэрин сүүйбүт, өйдөрүгэр-санааларыгар хаалбыт эрэ буоллаҕына иҥэриллиэн сөп. Маннык ааты сүгэр киһи тус олох диэни умнан дьон-норуот уонна ырыа-тойук туһугар олоҕун анаабыт буолуохтаах. Эбэм Балыгыас-Ырыа Ымыычаан диэн аатынан дьоҥҥо-норуокка биллибитэ кини саха эмээхсинин боростуой олоҕуттан ураты олоҕу олорбутун туоһулуур.

Сиһилии

Муус устар 28 күнүгэр, Саха Өрөспүүбүлүкэтин күнүн уонна 2026 сыл "Культура сылын" көрсө, Г.Е. Скрябин аатынан "Эйгэ" норуот айымньытын дьиэтигэр "Сахам сирин сандал сааһа – үгэспитин үтүгүннэриэх" диэн тэрээһин ситиһиилээхтик ыытылынна.

Тэрээһин чэрчитинэн "Ситим – сомоҕо" сиэрин-тумун толорон, туос маанытыгар уонна киэргэл күүһүгэр илии тутуһан үлэлээтибит.  Чурапчы улууһун Мугудай нэһилиэгэр VI төгүлүн ыытыллар Олоҥхо ыһыаҕар аар баҕахха анаан "КҮБЭЙЭ" түмсүү ситии хатан бэлэмнээбит быатыгар "Туос мааныта", "Кэрэчээнэ кыыс оҥоһуга" уонна "Киэргэл күүһэ"  Мугудай уонна Төлөй нэһилиэгин олохтоохторо бэйэлэрин илиилэринэн туос оҥоһуктарын кэрэтин айыыга холонон көрдүлэр.

Бу тэрээһин төрүт култуурабытын үйэтитиигэ, дьону-сэргэни сомоҕолооһуҥҥа уонна Саха Өрөспүүбүлүкэтин күнүн үөрүүлээхтик бэлиэтииргэ улахан суолтаны ылла.

Көхтөөх кыттыыны ылбыт бары нэһилиэк олохтоохторугар, ыччаттарга, далбар хотуттарга уонна Төлөй нэһилиэгин далбар хотуттарыгар барҕа махталбытын тиэрдэбит!

төрөөбүт дойду историятын билии, үөрэтии, сырдатыы, ааҕыыны сайыннарыы, киһи духуобунай баайын үрдэтии

Тыа хаһаайыстыбатын күнүнэн түөлбэлэр икки ардыларынааҕы күрэх буолан ааста

Тыа хаһаайыстыбатын күнүнэн тэрилтэлэр икки ардыларыгар ыытыллыбыт  күрэс

"П.М.Терютина - Ырыа Ымыычаан үрдүк аатыгар сүгүрүйэн!" 6-с төгүлүн ыытыллар Олоҥхо ыһыаҕын чэрчитинэн "ЧУРАПЧЫЛЫЫ ОҺУОХАЙ - МИН ТҮӨЛБЭМ ҮҤКҮҮТЭ" түһүлгэтэ

Түһүлгэҕэ кыттыыны ыллылар Нерюнгри  куоракка ыытыллыбыт Олоҥхо ыһыаҕын Оһуохай күрэҕин үһүс үрдэл хаһаайына ДАВИД АНДРЕЕВ, СР Ил Дарханын  оһуохайга стипендиата СЕМЕН МОРФУНОВ.